30 mars 2006

Bara ein jógúrt!!!

Það var helst í fréttum í gær að gamla fólkið okkar, allt svo þeir sem búa á elliheimilum (asnalegt orð samt) fengu nánast ekkert að borða í gær og þetta litla sem þeir fengu þurftu þeir að borða á brókinni einni saman því allt starfsfólkið var í verkfalli og því enginn til að hjálpa því að klæða sig.
Svona fréttir finnst mér skrítnar! Fyrir það fyrsta þá vitna ég bara í Pétur Blöndal og segi að fólk geti bara fundið sér nýja vinnu ef það er ekki ánægt með launin. Þetta er bara ekkert flóknara en það. Í öðru lagi þá sé ég enga ástæðu til að púkka eitthvað upp á þetta gamla fólk. Þetta er bara baggi á þjóðfélaginu. Kostnaður og vesen. Plús það að það nennir enginn að vinna á elliheimili, nema kannski útlendingar. Svo eru sumir sem halda því fram að gamla fólkið hafi lagt grunninn að þessu velmegunar þjóðfélagi sem við búum í. Það er bara fáfræði að halda því fram því eins og allir vita á ríkisstjórnin allan heiðurinn af þessu gríðarlega góðæri sem við erum að upplifa.

Yfir í annað. KR-ingar voru með herrakvöld um daginn. Ég var ekki þar. Þar voru samt nokkrar dömur sem hafa atvinnu af því að fara úr fötunum sínum. Meir að segja hverri einustu spjör. Einhverra hluta vegna þá fór þetta fyrir brjóstið á einhverjum. Meir að segja borgarstýra Reykjavíkur sá ástæðu til að nöldra yfir þessu. Þetta átti víst að hafa verið slæmt fyrir sjálfsmynd þessara stúlkna eða hvað það var. Mér finnst svolítil þversögn í þessu þar sem þessar dömur vinna við að afklæðast. Á herrakvöldinu fóru þær úr íþróttatreyju og voru berbrjósta undir og í brók. Hefði nú haldið að það væri barnaleikur miðað við að liggja á Evuklæðunum útglenntar með opið upp í milta!!!



bara þannig að það sé 100% á hreinu þá má lesa hluta af þessum pistli með kaldhæðni í huga...

Engin ummæli:

Skrifa ummæli